Nasyid Pantun Syair Empat tentang Dzikir Ketuhanan
( Empat)
Burung tarwayang tarbang ka Mega
Sasap bamban panurus
pati
Kasih dan sayang
tiada barhingga
Rasap dibadan tarus
ka hati
Sasap bamban panurus
pati
Mayang hampalam di jamur karing
Rasap dibadan tarus
ka hati
Siang dan malam
tiada taguring
Mayang hampalam di jamur karing
Rama-rama batali banang
Siang dan malam
tiada taguring
Sama-sama pada mangganang
Rama-rama batali banang
Kayu karing manangkalupa
Sama-sama pada mangganang
Jaga dan guring
tiada lupa
Kayu karing manangkalupa
Ikat pati nang
jangan basah
Jaga dan guring
tiada lupa
Hakekat hati jangan bapisah
Ikat pati nang
jangan basah
Gantung bakul nang diwilasan
Hakekat hati jangan bapisah
Supaya bakumpul balalawasan
Gantung bakul nang diwilasan
Lamun bakul barisi
puntung
Supaya bakumpul balalawasan
Lamun tarkumpul nang basar untung
Lamun bakul barisi
puntung
Sarang wanyi di toko
gambir
Lamun barkumpul nang basar untung
Paham dinyanyi dibuku
sindir
Sarang wanyi di toko
gambir
Jatuh dalima didadapati
Paham dinyanyi dibuku
sindir
Sama-sama pada mangarti
Jatuh dalima didadapati
Taruh asam ka dalam
kada
Sama-sama pada mangarti
Taruh paham ka dalam dada
Taruh asam ka dalam
kada
Pagat paku jangan di lapas
Taruh paham ka dalam dada
Tangkap aku jangan di lapas
Pagat paku jangan di lapas
Biji ragi jamur
sahari
Tangkap aku jangan di lapas
Kamana lagi ikam
mencari
****
Panyambalan nang kami
babat
Ka Rantau Bujur
nang manalakin
Dimana jalan manjadi
sasat
Manarima bujur kadangan yakin
Ka Rantau Bujur
nang manalakin
Ada bakul wadah kuini
Manarima bujur kadangan yakin
Karana batul jadi barani
Ada bakul wadah kuini
Guntung kakari di
buntut gajah
Karana batul jadi barani
Saganap nageri nang manjalani
Guntung kakari di
buntut gajah
Buluh sabalah diulah suluh
Saganap nageri nang manjalani
Rasulullah ampunnya suruh
Buluh sabalah diulah suluh
Bigi bilungka di atas
batang
Rasulullah ampunnya suruh
Sidin suka kamari datang
Bigi bilungka di atas
batang
Ikan bakut di dalam
tudung
Sidin suka kamari datang
Jangan takut sidin manolong
Ikan bakut di dalam
tudung
Ikan tangkara diair tanang
Jangan takut sidin manolong
Ada parkara terima manang
*****
Buku sulasih sudah tartanam
Bakal timbaku bakal
asam
Kalunya kasih sudah tartanam
Ialah aku ialah
ikam
Bakal timbaku bakal
asam
Kain palikat pakai
salimut
Ialah aku ialah
ikam
Kalu hakekat sudah liput
Kain palikat pakai salimut
Ruak buluh basumpal
kain
Kalu hakekat sudah liput
Gerak di tubuh tiada lain
Ruak buluh basumpal
kain
Ada sutera pembungkus
gambir
Gerak di tubuh tiada lain
Ada suara menjadi dzikir
Ada sutera pembungkus
gambir
Pancuk mangkudu lawan papari
Ada suara menjadi dzikir
Matan budu ikam mancari
Pancuk mangkudu lawan papari
Baru ada di sapu tangan
Matan budu ikam mancari
Sudah ada di dalam tangan
Baru ada di sapu tangan
Ganda rasa ditanah liat
Nang sudah ada di dalam
tangan
Sudah marasa lagi malihat
Ganda rasa ditanah liat
Ada jawa bajual
utas
Sudah marasa lagi
malihat
Kanapa jua maka
malapas
Ada jawa bajual
utas
Orang bangkal barjual
baras
Kanapa jua maka
malapas
Kurang akal mambari
maras
Orang bangkal barjual
baras
Jumput tikar di daun
kanas
Kurang akal mambari
maras
Maikut habar tiada
barnas (berdalil)
Jumput tikar di daun
kanas
Lamun kukuran batisnya rata
Maikut habar tiada
barnas
Qur’an dan hadis habar
nang nyata
Lamun kukuran batisnya rata
Basar pambabat di daun
kurma
Qur’an dan hadis habar
nang nyata
Basar sahabat ijma ulama
Basar pambabat di daun
kurma
Panyambatan nang kami babat
Basar sahabat ijma ulama
imana jalan manjadi sasat
******
Tidak ada komentar:
Posting Komentar