(Satu)
Wahai hadirin nang sakalian
Ampun dan ma’af barataan
Jama’ah laki-laki dan parampuan
Menyebut dzikir diperintahkan
Menyebut dzikir diperintah
Allah
Bakumpul-kumpul bajajama’ah
Biar bangalih biar
balapah
Asal didapat basar faedah
Dzikir sima lagu parindang
Malapasakan rindu kasih dan sayang
Tahbah panghibur kadangan tarbang
Jatuh kahati tubuh barguncang
Anak menjangan di dalam bakul
Sambut cangkir nang digula’i
Lakas datang bakumpul-kumpul
Manyambut dzikir sadang mulai
Sambut cangkir nang digula’i
Cangkir palisa jualan
tuan
Manyambut dzikir sadang
mulai
Dzikir pangrista
kadangan Tuhan
Cangkir palisa nang digulai
Buku dalima di dalam kurita
Dzikir pangrista
kadangan Tuhan
Lagu barsama nang rata-rata
Buku dalima di dalam kurita
Jangan kumbang masuk
di baju
Lagu barsama nang rata-rata
Nyaman manarbang marasuk
lagu
Jangan kumbang masuk
di baju
Bajunya habang taruh di pati
Nyaman manarbang marasuk
lagu
Lagu parindang maruntuh
hati
Bajunya habang taruh di pati
Tanam rumbia di tanah subur
Lagu parindang maruntuh
hati
Karana ia jadi
panghibur
Tanam rumbia di tanah subur
Sabut sabalah jatuh
kebumi
Karana ia jadi
panghibur
Manyabut Allah menjadi
rami
Sabut sabalah jatuh
kebumi
Jangan halu di atas karang
Manyabut Allah menjadi
rami
Jangan malu kapada
orang
Jangan halu di atas karang
Tarabang bubut di pahumaan
Jangan malu kapada
orang
Pandang malu ujud barsasamaan
Batang tirik ditabasakan
Ditabasakan diulah upat
Namun bulik malapasakan
Malapasakan selalu umpat
Ditabasakan diulah upat
Diulah upat jatuh ka tanah
Malapasakan selalu umpat
Salalu umpat sampai ka rumah
Diulah upat jatuh ka tanah
Jatuh ka tanah ka ragaina
Salalu umpat sampai ka rumah
Sampai ka rumah lalu bagana
Jatuh ka tanah ka ragaina
Pacah dukun tapihku basah
Sampai ka rumah lalu bagana
Kada hakun lagi
bapisah
Pacah dukun tapihku basah
Ramania nang asam sapat
Kada hakun lagi
bapisah
Tumat dunia sampai akhirat
Ramania nang asam sapat
Jukung rimpang nag ditalaga
Tumat dunia sampai
akhirat
Minta sakampung di dalam surga
Jukung rimpang nag ditalaga
Buah sapat bawa ka pasar
Minta sakampung di dalam surga
Mendapat tampat yang paling basar
Buah sapat bawa ka pasar
Anak biawak manunggang kuda
Mendapat tampat yang paling basar
Apa kahandak semua ada
Anak biawak manunggang kuda
Kapakan sampai tangah
harinya
Apa kahandak semua ada
Makan dan pakai bidadarinya
Kapakan sampai tangah
harinya
Pakai tilasan ka
rantau bujur
Makan dan pakai bidadarinya
Itulah balasan banar
dan bujur
Pakai tilasan ka
rantau bujur
Batah bakul di tapihinya
Itulah balasan banar
dan bujur
Allah dan Rasul
mangasihinya
Batah bakul di tapihinya
Dihiga bangkal batang
kurma
Allah dan Rasul
mangasihinya
Di surga kakal selama-lamanya
****************************
Tidak ada komentar:
Posting Komentar