(Dua)
Tampat dihulu gunung malirang
Kacang palisah sangka
papari
Tumat dahulu sampai sakarang
Tiada pisah sampai sahari
Rindu-rindu hinggap di paku
Jangan hundang
barpundut kain
Dandam rindu sabut
namaKU
Jangan dipandang ujud nang
lain
Namun arjuna namanya wayang
Katitiannya batang tiwadak
Dimana-mana ada rumbanang
Kajadiannya dipandang Nampak
Ditabat-tabat digalang-galang
Orang manggalang tabang kahilir
Disambat-sambat diganang-ganang
Orang diganang tarlalu hampir
Malas-malasnya batabang buluh
Buluh ditabang diolah cawan
Maras-marasnya mamandang
tubuh
Tubuh dipandang tapandang Tuhan
Buluh ditabang diolah cawan
Karena buluh ditikam batah
Tubuh dipandang tapandang Tuhan
Karana tubuh caramin Allah
Bulu landak barbuluh-buluhan
Tabang bamban
ditalak-talak (talak-talak :
diricih-ricih : pisah-pisah)
Namun handak batamu Tuhan
Dipandang badan nang Nampak-nampak
Coba ditabang dituas-tuas
Namun dituas nang mangguliat
Coba dipandang nang hawas-hawas
Namun nang hawas musti
malihat
Jangan barugah di muhajirin
Dikampung mawar kambang
barbaris
Jangan barpadah lagi kalian
Namun takaluar manjadi
najis
Dikampung mawar kambang
barbaris
Warik bakantan mamakan ular
Namun takaluar manjadi
najis
Baik barsimpan jangan
kaluar
Warik bakantan mamakan ular
Lamun dimawar patinya tinggi
Baik barsimpan jangan
kaluar
Lamun kaluar mustinya rugi
Lamun dimawar patinya tinggi
Jadi istana tampat barlindung
Lamun kaluar mustinya rugi
Orang nang bergana nang
basar untung
Ada jawa barjual kain
Jatuh rumbia dipakan kambat
Tiada dua tiada
lain
Taruh rahasia jangan disambat
Jatuh rumbia dipakan kambat
Jangan barubah dimuhajirin
Taruh rahasia jangan disambat
Jangan bapadah lagi kalian
Lamun ikam handak
mengikir
Kain lukcuan kain kadiri
Namun ikam handak berdzikir
Pandang Tuhan kadangan diri
Bangsal tuan dipakan arba
Orang main ditangkap opas
Misal Tuhan kadangan
hamba
Saparti kain kadangan
kapas
Gambir kami dalam acuan
Batang pudak nang
kami bair
Hampir kami kadangan Tuhan
Saparti ombak kadangan
air
Gambir tuan dalan tutudung
Ada parahu jalan diombak
Zahir Tuhan tiada terlindung
Lamun tahu matanya nampak
Burung puyuh bawah jambatan
Kambang bilaran dalam salupa
Matan iyuh basasambatan
Maolah ngaran matan sarupa
Kain kasa dilipat-lipat
Kain jinggang libar sajari
Coba rasa dilihat-lihat
Tiada ranggang barang sajari
Kanapa buluh nang dipalatar
Lamun ku buang apa mancibir
Kanapa tubuh maka manggatar
Mamandang Tuhan tarlalu
hampir
Tabang bamban ditalak-talak
Namun ditalak nang
mangguliat
Pandang badan nang Nampak-nampak
Lamun nampak musti malihat
Biji papari dalam acuan
Ada parahu nang dirumbia
Kasitu kamari mancari Tuhan
Kada padanya Ia
Tarabang bubut dipahumaan
Biar dilapas dalam tutudung
Pandang satu ujud basasama’an
Biar barhampas sambil
barambung
Biar dilapas dalam tutudung
Kambang tatawa dipohon
manggis
Biar barhampas sambil
barambung
Bawa tatawa sambil manangis
Kambang tatawa dipohon
manggis
Bibilungka’an dikayu sapat
Bawa tatawa sambil manangis
Kasusukaan kami bardapat
Bibilungka’an dikayu sapat
Barpalang halu kadangan papan
Kasusukaan kami bardapat
Hilang malu kadangan supan
Barpalang halu kadangan papan
Pakai jambatan padu halaman
Hilang malu kadangan supan
Kababangatan rindu dandalam
Pakai jambatan padu halaman
Sambut cangkit jangan
diandak
Kababangatan rindu dandalam
Manyabut dzikir jangan bamandak
Sambut cangkit jangan
diandak
Batah bakul diulah
suluh
Manyabut dzikir jangan bamandak
Allah dan Rasul ampunya suruh
Batah bakul diulah
suluh
Jadikan pati barisi tapih
Allah dan Rasul ampunya
suruh
Jadikan hati putih
barasih
Jadikan pati barisi tapih
Airnya tanang di pinangkara
Jadikan hati putih
barasih
Pikiran sanang ampihlah hara
Airnya tanang di pinangkara
Hapus sacangkir masihlah handak
Pikiran sanang ampihlah
hara
Apus badzikir sakakahandak
Hapus sacangkir masihlah handak
Marasa nyaman tarlalu-lalu
Apus badzikir sakakahandak
Marasa Tuhan ialah aku
Marasa nyaman tarlalu-lalu
Paya barbuku di kampung murah
Marasa Tuhan ialah aku
Ialah aku ialah Allah
Paya barbuku di kampung murah
Ada jawa bajual
kain
Ialah aku ialah Allah
Tiada dua tiada lain
***********************
(Tiga)
Sambal asam nang
kami goring
Batang timbaku sangkaku tabu
Lamun ikam nang handak
guring
Bawa pang aku nang sakalambu
Batang timbaku sangkaku tabu
Kacang palisah diulah atal
Bawa pang aku nang sakalambu
Jangan dipsah pada sabantal
Kacang palisah diulah atal
Anak kuat dihajar
burung
Jangan dipsah pada sabantal
Kasiam buat kadalam
kurung
Anak kuat dihajar
burung
Tukarakan nang tatapihan
Kasiam buat kadalam
kurung
Lamun bangaran bakakasihan
Tukarakan nang tatapihan
Tali burung kapapanjangan
Lamun bangaran bakakasihan
Didalam kurung sapapanjangan
Tali burung kapapanjangan
Tukar dalima nang kandal kulit
Didalam kurung sapapanjangan
Salama – lama kami bar ulit
Tukar dalima nang kandal kulit
Juaalan kantin kaluluwasan
Salama – lama kami bar ulit
Rasa pangantin balalawasan
Juaalan kantin kaluluwasan
Jadikan tapih pemandul
sutera
Rasa pangantin balalawasan
Jadikan kasih rasap dan mesra
Jadikan tapih pemandul
sutera
Anak balacat di dalan buluh
Jadikan kasih rasap dan mesra
Rasap lezat saisi tubuh
Anak balacat di dalan buluh
Ada batang panjahit
kain
Rasap lezat saisi tubuh
Tiada taganang pada nang
lain
Ada batang panjahit
kain
Ada cawan barparimata
Tiada taganang pada nang
lain
Hanya tubuh samata-mata
Ada cawan barparimata
Buku sulasih sudah tartanam
Hanya Tuhan samata-mata
Kalu kasih sudah tartanam
***
Landut batu nang
diwilasan
Daun timbaku pamundut kikir
Karena satu balalawasan
Pandang aku waktu bardzikir
Daun timbaku pamundut kikir
Ragaina barkambang tujuh
Pandang aku waktu bardzikir
Barang dimana ikam tawajjuh
Ragaina barkambang tujuh
Disitu tampat batu
asahan
Barang dimana ikam tawajjuh
Disitu tampat zahirnya Tuhan
Disitu tampat batu
asahan
Mana timbaku nang mana asam
Disitu tampat zahirnya Tuhan
Mana aku nang mana Ikam
Mana timbaku nang mana asam
Lamun papan diambunakan
Mana aku nang mana Ikam
Kasitu kamari manakunakan
Lamun papan diambunakan
Sabiginya dimakan burung
Kasitu kamari manakunakan
Sakalinya didalam kurung
Sabiginya dimakan burung
Lagi dahulu diam di hutan
Sakalinya didalam kurung
Lagi dahulu pina takutan
Lagi dahulu diam di hutan
Ganda rasa pangat
papari
Lagi dahulu pina takutan
Sudah marasa taingat diri
**
Jualan pakan
barumbai-rumbai (bermacam-macam)
Jual asam kadangan
candu
Basasamaan membuang limbai
Aku dan ikam
coba pinandu
Jual asam kadangan
candu
Candu bacampur dengan timbaku
Aku dan ikam
coba pinandu
Lamun pinandu ikam Ku kaku
Candu bacampur dengan timbaku
Hilang asam tinggal timbaku
Lamun pinandu ikam Ku kaku
Hilang ikam tatinggal Aku
Hilang asam tinggal timbaku
Batang gadang nang
kami balah
Hilang ikam tatinggal Aku
Itulah pandang kepada Allah
Batang gadang nang
kami balah
Buat sapat dalam
kuritaa
Itulah pandang kepada Allah
Allah Muhammad kadangan
kita
Buat sapat dalam
kuritaa
Batang mentega di tanah jawa
Allah Muhammad
kadangan kita
Orang nang
tiga taida dua
Batang mentega di tanah jawa
Cita habang pamundut
batu
Orang nang
tiga taida dua
Kita pandang hanya
nang Satu
Cita habang pamundut
batu
Taruh palikat di dalam pati
Kita pandang hanya
nang Satu
Taruh hakekat di dalam
hati
Taruh palikat di dalam pati
Satu bubut dipahumaan
Taruh hakekat di dalam
hati
Satu ujud basasama’an
Satu bubut dipahumaan
Satu dalima nang
di rumbiya
Satu ujud basasama’an
Satu Nama nang dirahasia
Satu dalima nang di
rumbiya
Orang lalu jual
hintalu
Satu Nama nang dirahasia
Tiada lalu nang dua lalu
Orang lalu jual
hintalu
Landut batu nang diwilasan
Tiada lalu nang dua lalu
Karana satu balalawasan
**************************
Tidak ada komentar:
Posting Komentar