(Lima)
Batang tirik ditabasakan
Ditabasakan diulah upat
Lamun baulik malapasakan
Malapasakan salalu umpat
Ditabasakan diulah upat
Diulah
upat jatuh ka tanah
Malapasakan salalu
umpat
Salalu
umpat sampai karumah
Diulah upat jatuh ka tanah
Jatuh ka tanah ka
ragaina
Salalu umpat sampai karumah
Sampai ka rumah lalu
bargana
Jatuh ka tanah
ka ragaina
Pacah dukun
tapihku basah
Sampai ka rumah
lalu bargana
Kada hakun lagi
bapisah
Pacah dukun tapihku
basah
Ramania nang asam
sapat
Kada hakun lagi bapisah
Tumat dunia sampai
akhirat
Ramania nang
asam sapat
Jukung rimpang
nang di talaga
Tumat dunia
sampai akhirat
Minta sakampung
di dalam surga
Jukung rimpang nang di talaga
Buah sapat bawa ka
pasar
Minta sakampung di dalam surga
Mandapat tampat nang paling basar
Buah sapat bawa
ka pasar
Anak biawak
manunggang kuda
Mandapat tampat nang
paling basar
Apa kahandak
samua ada
Anak biawak manunggang
kuda
Kapakan sampai tangah
harinya
Apa kahandak samua
ada
Makan dan pakai bidadarinya
Kapakan sampai
tangah harinya
Pakai tilasan
ka rantau bujur
Makan dan pakai
bidadarinya
Itulah balasan banar dan bujur
Pakai tilasan ka rantau
bujur
Batah bakul di tapihinya
Itulah balasan banar dan
bujur
Allah dan Rasul mangasihinya
Batah bakul di tapihinya
Dihiga bangkal
batang kurma
Allah
dan Rasul mangasihinya
Di
surga kakal selama-lamanya
******
Biji ragi jamur
sahari
Gambir timbaku campuri asam
Kamana lagi ikam
mancari
Jahir aku di
diri ikam
Gambir timbaku campuri asam
Orang rakit jual tutudung
Jahir aku di
diri ikam
Barang sadikit tiada
tarlindung
Orang rakit jual tutudung
Sarat cita dalam
parahu
Barang sadikit tiada tarlindung
Bangat nyaata silamun
tahu
Sarat cita dalam
parahu
Putuskan tali pambabat cita
Bangat nyaata silamun
tahu
Apuskan hati sa’at barcinta
Putuskan tali pambabat cita
Palangkan halu kadalam
papan
Apuskan hati sa’at barcinta
Hilangkan malu kadangan
supan
Palangkan halu kadalam
papan
Biar digirik diatas
bantal
Hilangkan malu kadangan
supan
Biar bartandik sampai
barigal
Biar digirik diatas
bantal
Kambang tatawa dipohon
mangis
Biar bartandik sampai
barigal
Bawa tatawa sambil
manangis
Kambang tatawa dipuhun
mangis
Jamur kapas di tikar
bargulung
Bawa tatawa sambil
manangis
Barhampas-hampas sambil barambung
Jamur kapas di tikar
bargulung
Bibilungkaan di kayu sapat
Barhampas-hampas sambil barambung
Kasusukaan kami badapat.
**********
